නීති හා රෙගුලාසි

විනය නීති

හ/තලුන්න මහා විද්‍යාලය

• සෑම ශිෂ්‍ය ශිෂ්‍යාවක ම පෙ.ව. 7.15 ට පෙර පාසලට පැමිණිය යුතු අතර පෙ.ව. 7.30 ට පෙර පංතිකාමර හා වෙන්කර දී ඇති ස්ථාන පවිත්‍ර කොට අවසන් කළ යුතුය. මේ සම්බන්ධයෙන් පන්තිභාර ගුරුවරයා හා අදාළ ශිෂ්‍ය නායක නායිකාවන් වගකීමෙන් ක්‍රියා කල යුතු ය. 
• පාසල් නිල ඇඳුම නියම්ත ආකාරයට නොමැති දරුවන් එදිනදා පාසලට භාර ගැනීම සිදු නොවේ.
• පාසලට පොලිතින් රැගෙන ඒම සපුරා තහනම් වන අතර ගේට්ටුව අසළ දී ඒවා පරික්ෂා කිරීමට සහාය දැක්විය යුතුය.
• පාසල ආරම්භ කිරීමේ සීනුව නාදකිරීමත් සමගම සියදුම දරුවන් ගුරු භවතුන් ආගමික වතාවත් සඳහා සූදානම් විය යුතුය. උදෑසන රැස්වීම පැවැත්වෙන්නේ සඳුදා දින වල දී පමණි.
• සියලුම සිසුන් පාසල නිමවන තෙක් තම පන්ති කාමරය තුළම රැදී සිටිය යුතු අතර කිසිදු හේතුවක් නිසා වෙනත් පන්තියක ක්‍රීඩා පිටියේ හෝ වෙනත් ස්ථානයක රැදී නොසිටිය යුතුය. 
• දරුවන්ට මතුවන ඕනෑම ගැටළුවක් ප්‍රථමයෙන් පන්තිභාර ගුරුවරයාට දැනුම් දිය යුතුය. අදාල ගුරුවරයා නොමැති අවස්ථාවක පමණක් අංශ භාර හෝ විෂය භාර ගුරුවරයාට දැන්විය යුතුය.
• පාසල් වේලාව තුල කවර හෝ බාහිර අයෙකු සමග සබදතා පැවැත්වීම තහනම් වේ.
• පාසල් අධ්‍යාපන ක්‍රියාවලියට අදාල නොවන පුවත්පත් ඡායරූප , ලිපි, ජංගම දුරකථන, සංයුක්ත තැටි වෙනත් උපකරණ රැගෙන ඒම හා ළග තබා ගැනීම සපුරා තහනම් වේ. එබදු දෑ ළග තබාගෙන අසුවුවහොත් පාසලෙන් නිල වශයෙන් අස්වී යනතුරු ආපසු ලබා දෙනු නොලැබේ.
• විවේක කාලය අවසන් වූ වහාම තම පන්ති කාමරයට පැමිණිය යුතුය
• දරුවා පාසලට නොපැමිණෙන දින සඳහා පන්ති භාර ගුරුවරයා වෙත භාරකරු විසින් ලිපියක් මඟින් දැන්විය යුතු ය.
• පාසල නියෝජනය කිරමින් සහභාගී වන ඕනෑම අවස්ථාවකට පාසල් නිල ඇදුමෙන් සහභාගී විය යුතු අතර පාසලේ ගෞරවය ආරක්ෂා වන පරිදි හැසිරිය යුතුය.
• විනය විරෝධී ක්‍රියාවකදී පාසල විසින් ගනු ලබන ඔිනෑම විනය ක්‍රියාමාර්ගයකට යටත් විය යුතු ය.